ناس غريبة !!
باشرت عملي من جديد يوم السبت ،
الحمد لله كلي نشاط و حماس ، أعدت ترتيب مكتبي لأتهيأ للعام الدراسي الجديد
بما أننا في أسبوع [التسجيل] ، فأغلب الوقت أكون فاضية ،
لآ يتجاوز عملي غير أني أطلع الزوار على مبنى المدرسة و أكمل بقية اوراقهم في حال إن تم التسجيل ،
و عندما قاربت الساعة الثامنة مساء لتعلن انتهاء الدوام ،
و نا جالسة بالإدارة أقفل الاب توب ،، تفاجئت بدخول زوار
على بالي تسجيل ،،
طلعت أم و بنتها ، استقبلتهم ، و هم جالسين بالبراقع
طبعاً أندهشت ،، [ليش ما كشفوا وجوههم؟؟ ] متأكدة أني ماشتغل بمدرسة عالمية !! يعني ممكن يكون فيه اختلاط !
قالت لي البنت : بلهجتها البدوية [عندكم وظايف ؟ ]
فسألتها كعادتي عن مؤهلاتها و خبراتها و أحضرت ملف : طلب الوظيفة لأدون ما ستقوله
تفاجئت و قالت بنص الكلام : انتي موظفة .. صح ؟ أجل وين المديرة ؟
بصوت عالي و بنص عين ،!
تمالكت أعصابي ، و ناديت المديرة ،
قالت للمديرة : أبغا أتوظف و مؤهلي ثانوية عامة >> يعني بالغصب
سكتت مديرتي و قالت : ما نحتاج موظفات الآن ، لكن بإمكانكـ تسجلي معلوماتك و أشارت إلي [أنا]
ردت البنوتة و قالت : شوفي باتكلم بصراحة عندكـ و ظيفة و لآ لآء !!
صارت معركة مو طلب وظيفة ، ترى الأرزاق بيد الله مو بيد البشر ،
بدي الحالة دخلت والدتها بالكلام وقالت ،
وش فايدة المدارس يلي تفتح كل شوي و ماتخدم بنات البلد ؟
قلت بنفسي و الله يلي مثلكم عمرها المدارس ما حتخدمكم K
و بسؤال وقح تسأل المديرة ، ونتي هنا مين وظفك ؟
الديوان ؟
و بالطبع المدارس الخاصة لآ تحتاج إلى توظيف من الديوان !!
قالت لها أجل كم راتبكـ ؟
ماني عارفة في وقاحة أكثر من كدا !
هو تحقيق و لآ طلب وظيفة !
بجد ناس غريبة ،،
و بنفس اليوم ذهبت كلية التربية لأسجل إحدى قريباتي ،
أنا بفضل ربي عليا ما درست بمدارس حكومية إلا سنة واحدة من عمري و سببت لي أزمة كبيرة
حتى الجامعة و لله الحمد بدرس بجامعة خاصة ،،
دخلت قسم القبول والتسجيل بالكلية ، طبعاً يتعاملوا مع البشر كأنهم بهايم عزكم ربي
أستاذة تقول لطالبة : أمشي انقلعي
و ثانية مستجدة تسأل عن وقت الدوام ، تروح تقولها : بعد الساعة 8 حنسكر الباب بوجهك
ماني عارفة وين احنا ؟
بمكان علم ، و لآ حديقة حيوان !!
يعني يكفي المبنى يشبه مبنى السجون ، و كمان التعامل زي البهايم !
و مرة كنت بمدرسة حكومية دخلت عند المديرة أسألها عن جدول الاختبار ، لقيت الكرسي مقلوب
يعني معطي للناس ظهرها و تطالع في الجدار ، << لو الحرمة مريضة أكيد في موظفات كثير ممكن يتعينوا بدالها
ونا أقولها : أبلا .. أبلا
دارت الكرسي و تطاااااااالع فيا .. أقولها : أبغا الجدول
مااترد كأنها محنطة ،، بسم الله عليها .. اشفيه يا عالم ؟
الناس ما هي صاحية للآخر
سبحان الله بعكس المدارس الخاصة ، تعامل محترم و أخلاق
قلت بنفسي هذا كله عشان المدارس الحكومية مجانية و المدارس الخاصة أكون دافعة فيها فلوس!
يعني تتوقعوا سبب الإشكال يكون مادي فقط ؟
برأيكم أيش سبب الأمراض يلي نلاقيها بمراكز التعليم الحكومية ؟؟؟
<< تحليل بزراان هههههه
17 شوال, 1429 01:54 ص